वि.सं. २०७६ असोज २१। मंगलबार। इ.स. २०१९ अक्टोबर ८। शकसंवत् १९४१। परिधावी संवत्सर। दक्षिणायन। शरद ऋतु। ने.सं. ११३९ कौलाथ्व। आश्विन शुक्लपक्ष। दशमी, १६:१९ उप्रान्त एकादशी। नक्षत्र– श्रवण, २२:३४ बजेउप्रान्त धनिष्ठा। योग– धृति, २७:५४ बजेउप्रान्त शूल। करण– गर, १६:१९ बजेदेखि वणिज, २९:०६ बजेउप्रान्त भद्रा। आनन्दादिमा लुम्ब योग। चन्द्रराशि– मकर। काठमाडौंमा सूर्योदय– ६:०० बजे, सूर्यास्त– १७:४१ बजे र दिनमान २९ घडी २ पला। विजया दशमी। देवी विसर्जन गर्ने साइत प्रात: ८:४५ बजे शुभ। देवीको प्रसादस्वरूप दशैँको टीका ग्रहण गर्ने शुभसाइत प्रात: १०:३५ बजे। श्री तुलजा–भवानी यात्रा बिहान १०:४७ बजे र स्थिरासन बिहान ११:२१ बजे शुभ। खड्गयात्रा। चालँ। शमी पूजन।
मेष (चु, चे, चो, ला, लि, लु, ले, लो, अ) :- सुन्दर पहिरनले ब्यक्तित्वमा निखारता ल्याउनेछ । जोश जाँगर र हिम्मत बढ्नेछ । एकपछि अर्को अवसर आउनाले मन प्रसन्न रहनेछ । रोमाञ्चक यात्रा होला ।
वृष (इ, उ, ए, ओ, वा, वि, वु, वे, वो) :- शुभारम्भको चर्चा चल्नेछ । अतिथिको रूपमा सत्कार पाइएला । भौतिक साधन जुटाउने समय छ । व्यवसायको सन्दर्भमा रमाइलो यात्रा होला ।
मिथुन (का, कि, कु, घ, ङ, छ, के, को, हा) :- महत्त्वपूर्ण अवसर गुम्न सक्छ । अधिकार प्राप्तिका लागि संघर्श गर्नु पर्ला । यात्रामा मालसामान हराउन सक्छ । गरेका काममा ढिलासुस्ती हुनेछ ।
कर्कट (हि, हु, हे, हो, डा, डि, डु, डे, डो) :- भ्रमण, खानपान तथा फेसनमा धन खर्च बढ्नेछ । राजनैतिक कार्यमा बाधा आउनेछ । सानातिना समस्यामा अल्झिनुपर्नेछ । प्रेममा मनमुटाव रहला ।
सिंह (मा, मि, मु, मे, मो, टा, टि, टु, टे) :- वाक्चतुर्याईँले सङ्कल्प सिद्ध हुनेछ । कला र गलाको प्रभाव बढ्नेछ । शुभ समाचार सुन्न पाईएला । ब्यापार ब्यबसायबाट आम्दानी हुनेछ ।
कन्या (टो, पा, पि, पु, ष, ण, ठ, पे, पो) :- हर्ष र प्रसन्नताका बीचमा समय व्यतीत हुनेछ । कूटनीतिक नियोगको सहयोग मिल्ला । आफन्तको सहयोग प्राप्त हुनेछ । साहित्यिक क्षेत्रमा रुची बढ्नेछ ।
तुला (रा, रि, रु, रे, रो, ता, ति, तु, ते) :- चिताएको कामले तीव्रता लिनेछ । आफन्त र साथीभाइबाट सहयोग तथा हौसला प्राप्त हुनेछ । आम्दानी बढाउने काम सुरु गर्न सकिनेछ ।
वृश्चिक (तो, ना, नि, नु, ने, नो, या, यि, यु) :- नजिकको मित्रसँग भेटघाट हुनेछ । चिन्ता छाडेर चिन्तन गर्ने समयछ । अनुहारमा कान्ति र मनमा शान्ति छाउनेछ । धार्मिक आस्था बढ्नेछ ।
धनु (ये, यो, भा, भि, भु, धा, फा, ढा, भे) :- पारिवारिक जीवन सन्तोषप्रद रहनेछ । धनार्जनका नयाँ स्रोतहरू पत्ता लाग्नेछन् । धर्म,कर्म तथा समाजसेवामा मन लाग्नेछ ।
मकर (भो,जा,जि,जु,जे,जो,ख,खि,खु,खे,खो,गा,गि) :- लाभदायक यात्रा हुनेछ । बिना प्रतिस्पर्धा फाइदा हुनेछ । पारिवार संग रमाइलो भेटघाट हुनेछ । रोकिएको काम दोहोर्याएर प्रयत्न गर्दा फाइदा हुनेछ ।
कुम्भ (गु, गे, गो, सा, सि, सु, से, सो, दा) :- अधिकार प्राप्तिका लागि संघर्श गर्नु पर्ला । व्यवसायमा मन्दी आउनेछ । मनमा निरासा र शरीरमा आलस्य आउला । कार्यमा बाधा आउनेछ ।
मीन (दि, दु, थ, झ, ञ, दे, दो, चा, चि) :- धेरै समय पछि आफन्तसङ्ग भेटघाट हुनेछ । प्रेमीको सहयोग पाइनेछ । आँटेको र ताकेको कार्य पुरा होला । राजनीतिक कार्यमा सफलता मिल्नेछ ।
– ज्यो.प. नारायणप्रसाद दुलाल
हाम्रो पात्रो
