Comments Add Comment

निःशुल्क आँखा शिविरमा ३८८ जनाले गरे परिक्षण

रोटरी क्लब अफ काठमाडौं मिडटाउन र रोटरी क्लब अफ मकवानपुरको संयुक्त आयोजना मंगलबारबाट शुरु भएको निशुल्क आँखा शिविरमा बुधबार ३ सय ८८ जनाको निशुल्क आँखा परिक्षण गरिएको छ । जसमध्ये ७६ जना मोतिबिन्दुका बिरामी भेटिएका छन् । मंगलबार सिन्धुलीको हरिहरपुरगढी ३, रतनपुरमा भएको आँखा शिविरमा २ सय ५० जनाको आँखा परिक्षण गरिएकोमा ४० जना मोतिबिन्दुका बिरामी भेटिएका मुख्य कार्यक्रम संयोजक अन्जनी कुमार पराजुलीले बताए ।

त्यसैगरी सर्लाहीको चन्द्रनगर–७ मा भएको शिविरमा १३८ जनाको परिक्षण गर्दा ३६ जना मोतिबिन्दुका बिरामी भेटिएको सर्लाहीका कार्यक्रम संयोजक पुर्ण प्रसाद अर्यालले जानकारी दिए । मंगलबार रौतहटको फतुवा बिजयपुर–११, हिमालिबासमा र सिन्धुलीको हरिहरपुर गाउँपालिका–७, क्यानेश्वरमा भएको शिविरमा ३९० जनाको आँखा परिक्षण गरिएको थियो । जसमध्ये ७३ जना मोतिबिन्दुका बिरामी भेटिएका थिए ।

शिविरमा हेटौंडा आँखा अस्पतालले प्राविधिक सहयोग गरेको छ भने रोटर्याक्ट क्लब अफ मकवानपुरले पनि आवश्यक सहयोग गरेको छ । मोतिबिन्दुका बिरामीहरुको फागुन १९ गते शुक्रबार हेटौंडा आँखा अस्पतालमा निशुल्क शल्यक्रिया हुने संयोजक पराजुलीले बताए । बिहिवार मकवानपुरको कैलाश गाउँपालिका ९, नामटार र रौतहटको चन्द्रपुर नगरपालिका ९, सन्तपुरमा आँखा शिविर रहेकोे रोटरी क्लब अफ मकवानपुरका अध्यक्ष कृष्ण बहादुर कार्कीले जानकारी दिए ।

यो खबर पढेर तपाईलाई कस्तो महसुस भयो ?

सम्बन्धित खवर