मकवानपुर तामाङ्ग कलाकार संघको शुभकामना आदानप्रदान सम्पन्न

मकवानपुर तामाङ कलाकार संघको आयोजनामा शनिबार हेटौैंडामा शुभकामना आदानप्रदान कार्यक्रम सम्पन्न भएको छ । २८५७ औं सोनाम ल्होछारको अवसरमा शुभकामना आदानप्रदान कार्यक्रम भएको हो । कार्यक्रममा बोल्दै प्रमुख अतिथि तथा बागमती प्रदेशसभा सदस्य ओम घलानले तामाहरुको कला, सस्कृति जगेर्ना गरि स्थापना भएको संघको सफलताको शुभकामना ब्यक्त गरे ।

नेपालमा गणतन्त्र प्राप्तीको आन्दोलनमा तामाङ जातीको पनि महत्वपूर्ण भूमिका रहेको भन्दै उनले कला सस्कृति जगेर्ना गर्ने, भाषालिपिलाई समेत अझ परिस्कृत गर्दै लैजाने कुरामा तामाङ समुदायले ध्यान दिन जरुरी रहेको बताए । कार्यक्रममा नेपाल तामाङ घेदुङ संघका केन्द्रीय सदस्य सुनिल मोक्तान, बागमती प्रदेश अध्यक्ष लिलाकुमार घलान, जिल्ला खेलकुद विकास समितिका अध्यक्ष सानु लामा सहित तामाङ कलाकारहरुको सहभागिता रहेको थियो । कार्यक्रम संघका अध्यक्ष धिरेन्द्र लामाको अध्यक्षतामा भएको हो ।