प्रकाश सपुतको सिनेमा ‘वसन्त’को ‘साँझ पर्यो झमक्क’ गीत सार्वजनिक

चैत्र २२ गतेदेखि प्रदर्शनमा आउन लागेको नेपाली चलचित्र वसन्त को ‘साँझ पर्‍यो झमक्क’ बोलको गीत आज काठमाडौँमा एक समारोहका बीच सार्वजनिक गरिएको छ। गीतले चलचित्रप्रति दर्शकको उत्साहलाई थप उचाइमा पुर्‍याएको छ।

गीतमा शब्द र संगीत गायक तथा निर्देशक प्रकाश सपुतकै रहेको छ भने स्वर शान्ति श्री परियार र सपुतले दिएका छन्। लोकभावनासहितको यो गीतले चलचित्रको भावनात्मक पक्षलाई उजागर गर्ने विश्वास गरिएको छ।

चलचित्र वसन्त निर्माणमा आफू र आफ्नो टिमले निकै मेहनत गरेको बताउँदै गायक, अभिनेता तथा निर्देशक सपुतले चलचित्रले आफूले सोचेको र खोजेको जस्तै उत्कृष्ट नतिजा दिने विश्वास व्यक्त गरे। चलचित्रको छायाङ्कन बागलुङ, काठमाडौँ र तराईका विभिन्न स्थानमा गरिएको छ, जसले नेपालको विविधतापूर्ण सौन्दर्यलाई पनि प्रस्तुत गर्नेछ।

वसन्त ले नेपाली चलचित्रमा नयाँपन ल्याउने अपेक्षासहित यो गीत युट्युबमा सार्वजनिक भइसकेको छ।

सम्बन्धित खबर

कला / संगीत

‘सतीदेवी’ को भर्जिनीयामा विशेष प्रदर्शनी शनिबार

२०८२-०४-२८

मनोरञ्जन

‘बिच बिच’मा पछि दुर्गेशको अर्को गीतः ‘ज्वाई हजुर’ (भिडियो सहित)

२०७६-०४-२०

कला / संगीत

प्रधानमन्त्री ओली अभिनित फिल्म ‘नमेटिने घाउ’काे ट्रेलर सार्वजनिक (भिडियोसहित)

२०८१-०४-२९

कला / संगीत

गायक निराजन कडेल र प्रबिशा अधिकारिको ‘उड्यो रे मेरो मन ’ सार्वजनिक ( भिडियो सहित )

२०७७-०७-१५