मकवानपुरगढी गाउँपालिका वडा नंम्बर ६ अजिङ्गरेमा एक पुरुषमाथि निर्घात कुटपिट भएको छ । बारीमा काम गरिरहेका ४९ वर्षिय टेकप्रसाद न्यौपानेमाथि दुई जना आएर कुटपिट गरेको हो । कुटपिट गर्नेमा सोही ठाउँका ५९ वर्षीय भवानीप्रसाद चौलागाई र कृष्णप्रसाद चौलागाई रहेको प्रहरीले जनाएको छ ।
न्यौपानेमाथि कुटपिट गरेर बायाँ कान टोकी आधा काननै छिनाएको छ । जिल्ला प्रहरी कार्यालय मकवानपुरमा चौलागाईद्वयलाई पक्राउ गरेर अनुसन्धान गर्न जाहेरी दिन खोजेपनि प्रहरीले जाहेरी लिन नमानेको पीडित पक्षले जनाएको छ । जिल्ला प्रहरी कार्यालय मकवानपुरको अनुसार ऐलानी जग्गाको विषयमा उनीहरुबीच झगडा भएको र दुबै पक्षलाई राखेर ऐलानी जग्गाको विषयमा गाउँपालिकासँग समन्वय गर्न अनुरोध गरिएको जनाएको छ ।
