Comments Add Comment

यस्तो छ कोरोना भाइरसको संक्रमण रोक्ने ७ प्रदेशको तयारी

नेपालमा कोरोना भाइरसको आशंकामा हालसम्म ६ जनाको परीक्षण गरीएको स्वास्थ्य मन्त्रालयले जनाएको छ । ती मध्ये एकजनामा कोरोना भाइरसको संक्रमण भएको पुष्टि भएको छ । यस्तै ४ जनामा कोरोना भाइरस नेगेटिभ देखिएको र एक जनाको भने रिर्पोट आउन बाँकी रहेको स्वास्थ्य मन्त्रालयले जनाएको छ । कोरोना भाइरसको संक्रमण फैलन नदिन सरकारले त्रिभुवन अन्तराष्ट्रिय विमानस्थलमा स्वास्थ्य परीक्षणको व्यवस्था गरेको छ ।

कोरोना भाइरस संक्रमित व्यक्तिको उपचारका लागि टेकुस्थित शुक्रराज ट्रपिकल तथा सरुवा रोग अस्पताल, आर्मी अस्पताल, पाटन अस्पतालमा आइसोलेसन सहितको वार्डको व्यवस्थापन गरेको जनाएको छ । स्वास्थ्य मन्त्रालयले कोरोना भाइरसबाट हुन सक्ने स्वास्थ्य आपतकाल तथा यसको खोखिम न्युनिकरणका लागि मेडिकल डाक्टर सहितको टोली पोखरा, लुम्बिनी र चितवनमा समेत खटाएको जनाएको छ । यस्तै प्रदेश १ को इलामको पशुपति नगरमा हेल्थ डेस्क संचालन भएको, प्रदेश २ को ३ वटा विमानस्थलमा पनि हेल्थ डेस्क राखिएको स्वास्थ्य मन्त्रालयका प्रवक्ता श्रेष्ठले बताए । बाग्मती प्रदेश भित्रका सबै अस्पताललाई सतर्क एवं तयारी अवस्थामा रहन निर्देशन दिइएको प्रवक्ता श्रेष्ठले बताए ।

बाग्मति प्रदेशमा तातोपानी, केरुङ नाका र भक्तपुरमा समेत हेल्थ डेक्स संचालनमा छ भने थर्मल स्क्यानर समेत खरिद प्रक्रियामा रहेको जनाइएको छ । गण्डकी प्रदेशले समेत विमानस्थलमा हेल्थ डेक्स संचालन गरेको छ । गण्डकी प्रदेशमा रहेको पोखरा स्वास्थ्य विज्ञान प्रतिष्ठान, गण्डकी मेडिकल कलेज र मणिपाल शिक्षण अस्पतालमा विशेषज्ञ वेडको व्यवस्थापन गरिएको स्वास्थ्य मन्त्रालयको दावी छ । कोरोना भाइरसको संक्रमण फैलन नदिन प्रदेश ५ ले पनि सिमा नाकाहरुमा हेल्थ डेक्स स्थापना गरेको छ भने लुम्बिनी प्रादेशिक अस्पतालमा विशेष वेडको व्यवस्थापन गरिसकेको छ । कोरोना भाइरसको संक्रमणको प्रतिकार्यका लागि कर्णाली प्रदेशले प्रादेशिक अस्पताल सुर्खेतमा विशेष वेडको व्यवस्थापन गरिसकेको स्वास्थ्य मन्त्रालयका प्रवक्ता श्रेष्ठले बताए । यस्तै सुदुरपश्चिम प्रदेशले पनि कोरोना भाइरसको विषयमा सचेतनामुलक कार्यक्रम गरेको स्वास्थ्य मन्त्रालयका प्रवक्ता श्रेष्ठले बताए ।

यो खबर पढेर तपाईलाई कस्तो महसुस भयो ?

सम्बन्धित खवर