१० दिनपछि अस्पतालबाट बालुवाटार फर्किए प्रधानमन्त्री ओली

काठमाडौं । प्रधानमन्त्री केपी ओली अस्पतालबाट डिस्चार्ज भएका छन् । मंसिर १० गते एपेन्डिसाइटिसको अपरेसन गरेका प्रधानमन्त्री ओलीलाई अस्पतालले दिउँसो ३ बजे डिस्चार्ज गरेको हो ।  डिस्चार्जपछि प्रधानमन्त्री ओली बालुवाटार प्रस्थान गरेका छन् ।

प्रधानमन्त्री ओलीलाई चिकित्सकहरुले अझै केही दिन घरमै आराम गर्न सल्लाह दिएका छन् । प्रधानमन्त्री ओली अझै केही दिन सार्वजनिक कार्यक्रममा सहभागी नहुने, धेरै मानिससँग भेटघाट नगर्ने बताइएको छ । उनले बालुवाटारमै बसेर सरकारका कामकारबाहीबारे बुझ्ने भएका छन् ।