काठमाडौं । अर्पण गिरीको डेव्यु निर्देशन रहेको फिल्म ‘वानर सेना’को पहिलो गीत सार्वजनिक भएको छ । ‘तिम्रो मनमा’ बोलको गीतमा शीर्ष कलाकारमा निर्देशक समेत रहेका गिरी (अरमान जंग) र आरजु प्रसाईं छन् ।

गीतमा उनीहरुलाई रोमान्टिक अवतारमा प्रस्तुत गरिएको छ । सार्वजनिक गीतमा निर्देशक गिरीको शब्द रचना तथा स्वर अनि जोन तामाङको संगीत छ । पौराणिक कथावस्तुमा फिल्म निर्माण भएकाले पनि दशैं घटस्थापना (असोज २६) प्रदर्शन गर्न लागिएको जनाइएको छ ।

गिरी ग्राण्ड फिल्मस्को प्रस्तुतीमा निर्माण भएको फिल्ममा किशोर खतिवडा, सुरवीर पण्डित, अर्जुन गुरुङ, किसनबाबु बस्नेत, राजन निरौला, सुनिता श्रेष्ठ, सुरेश साहु, कमला विष्ट, रमेश सोडारी, युवराज गिरी, राहुल यादव, ज्ञानेन्द्र थापा, बिशाल बराल, बालकलाकार मास्टर अमित पौडेल र बिशेष भूमिकामा कामेश्वर चौरासिया र तेजस्वी बासकोटाले अभिनय गरेका छन् ।

फिल्मको सबै छायांकन सर्लाही र सप्तकोशी किनारमा गरिएको हो । पटकथा पनि निर्देशक गिरीले नै लेखेका हुन् । फिल्ममा युवराज गिरीको लगानी छ ।

खबर पढेर तपाईलाई कस्तो महसुस भयो?

तपाईको प्रतिक्रिया दिनुहोस्

लेखकको बारेमा

लेखक

अनलाइनपत्र संवाददाता

वरिष्ठ समाचार लेखक

​Onlinepatra.com एक नेपाली समाचार पोर्टल हो जसले राष्ट्रिय र अन्तर्राष्ट्रिय समाचार, राजनीति, प्रान्तीय अपडेट, मनोरञ्जन, खेलकुद, र थप विविध सामग्री प्रदान गर्दछ। यो प्लेटफर्म Online Patra Media Pvt. Ltd. द्वारा सञ्चालित छ, जुन हेटौडा, मकवानपुर, नेपालमा आधारित छ।

555 लेखहरू
5 years पहिले सदस्य
0 कमेन्टहरू

सम्बन्धित खबर