३ असोज, हेटौंडा । हेटौंडा १ बुद्ध चोकमा राखिएको प्रेसर कुकर बम भित्र ढुंगा भेटिएको छ । नेपाली सेनाको टोलीले डिस्पोज गर्ने क्रममा बम भनेर राखिएको प्रेसर कुकर भित्र ढुंगा भेटिएको हो ।हेटौंडा १ बुद्ध चोकमा रहेको हाम्रो मनि ट्रान्सफर नजिक राखिएको उक्त प्रेसर कुकर बम देखेपछि सर्वसाधरणले प्रहरीलाई खबर गरेका थिए । संविधान दिवसको दिन एकविहानै हेटौंडा बजारको व्यस्त ठाउँमा उक्त प्रेसर कुकर बमका कारण सर्वसाधरणमा त्रास छाएको थियो । संविधान दिवसको दिन डर फैलाउन उक्त बम जस्तो बस्तु राखिएको हुनसक्ने जिल्ला प्रहरी कार्यालय मकवानपुरका प्रहरी नायब उपरीक्षक यज्ञ प्रसाद भट्टराईले बताए ।
