मकवानपुरको मकवानपुरगढी गाउँपालिका वडा नंम्बर २ स्थित कुर्लेमा रहेको वंशगोपाल माध्यमिक विद्यालय (प्राविधिक शिक्षालय)का विद्यार्थीलाई न्यानो कपडा वितरण गरिएको छ । सोमबार विद्यालयकै आयोजना तथा मकवानपुरगढी वडा नंम्बर २ को प्रायोजनमा विद्यालयमा अध्ययनरत ३ सय ५० जना विद्यार्थीलाई न्यानो कपडा स्वीटर वितरण गरेको विद्यालयका प्रधानाध्यापक सन्देश तुम्सिङ्ग मगरले जानकारी दिए ।
प्रधानाध्यापक मगरका अनुसार नर्सरीदेखि कक्षा ७ सम्मका विद्यार्थीलाई न्यानो कपडा वितरण गरिएको हो । कार्यक्रम विद्यालय व्यवस्थापन समितिका अध्यक्ष राम प्रसाद पुडासैनीको सभाध्यक्षता तथा मकवानपुरगढी वडा नंम्बर २ का वडा अध्यक्ष बखान सिंह पाख्रिनको प्रमुख आतिथ्यतामा भएको हो । न्यानो कपडा वितरण कार्यक्रममा मकवानपुरगढी–२ का जनप्रतिनिधिहरु पातली माया गोले, राम प्रसाद चौरेले, लक्ष्मी वि.क, सुधारजित गोले, विद्यालय व्यवस्थापन समितिका सदस्यहरु, शिक्षक, विद्यार्थीहरु लगायतकाको उपस्थिति रहेको थियो ।
