मकवानपुरको मकवानपुरगढी गाउँपालिका वडा नंम्बर –६ स्थित डुम्रेकुनामा बडा दशैँ तथा दीपावलीको अवसरमा जारी दोस्रो संस्करण गाउँपालिका स्तरीय पुरुष रनिङ शिल्ड भलिबल प्रतियोगितामा आज सेमिफाईनल चरण्सम्मको खेलहरु सम्पन्न भएको छ । सेमिफाईनल अन्तर्गत पहिलो खेल नागरिक सचेत (ए) र आमभञ्ज्याङ्ग क्लव बिच भएको थियो ।

उक्त खेलमा नागरिक सचेत (ए) ले आमभञ्ज्याङ्ग क्लवलाई २५–१८ ,१६–२५ र १५–१३ सेटमा पराजित गर्दै फाईनल प्रवेश गरेका छन् । त्यस्तै दोस्रो सेमिफाइनल खेलमा सनराईज युथ क्लव (ए) र बुढिचौर टिम बिच खेल भएको थियो । बुढिचौरले २५–१९ र २५–२१ को सोझो सेटमा आयोजक सनराईज युथ क्लव (ए) लाई पराजित गर्दै फाईनल प्रवेश गरेका छन् । फाईनल खेल भोलि फुलपातीका दिन नागरिक सचेत (ए) र बुढिचौर बिच  हुने खेल संयोजक अशोक स्याङ्तानले जानकारी दिएका छन् ।