आईसीसी टि–२० विश्वकप छनोट प्रतियोगिता अन्तर्गत आफ्नो पहिलो खेलमा नेपालले आज कतारसँग प्रतिष्पर्धा गर्दैछ ।
आज नेपालले टस जितेर ब्याटिङ गर्ने निर्णय गरेको छ । नेपाली टिममा पारस खड्का, ज्ञानेन्द्र मल्ल, शरद भेषावकर, दिपेन्द्र सिंह ऐरी, विनोद भण्डारी, सोमपाल कामी, करण केसी, सन्दिप लामिछाने, बसन्त रेग्मी, अविनाष बोहरा र ललित नारायण राजवंशीछन् । पिच गिलो भएका कारण निर्धारित समयभन्दा १५ मिनेट ढिलो भएको थियो ।
आजको खेल नयाँ पिचमा खेलाउने भनिएको भएपनि पिचको अवस्था खेल्न लायक नभएपछि हैजै खेलाइएको पिचमा खेलाउने निर्णयमा अम्पायरको टिम पुगेको छ ।
आज त्यहाँको मौसम पनि बदली हुने बताइएको छ । मौसम विभागका अनुशार एक घण्टापछि पानी पर्नेछ ।
