Comments Add Comment

कलंकीमा भयानक दुर्घटना

राजधानीको कलंकीमा सोमबार साँझ भयानक दुर्घटना भएको छ। कलंकी नजिकैको ढुंगेअड्डामा ना६ख २८७१ नम्बरको ट्रकले अन्य एक दर्जन गाडीलाई ठक्कर दिन पुगेको प्रहरीले जनाएको छ ।

प्रहरीका अनुसार सो दुर्घटनामा १ जनाको मृत्यु र अन्य ४ जना घाइते भएका छन् । घाइतेको ट्रमा सेन्टरमा उपचार भइरहेको छ ।

ज्यान गुमाउनेमा चितवनको टाँडीका समशेर गुरुङ रहेका छन् । उनको घटनास्थलमै मृत्यु भएको हो ।

उनका अनुसार ट्रक ओरालोमा ब्रेक फेल भएर सो दुर्घटना हुन पुगेको हो । ट्रकले कार, ट्याक्सी, मोटरसाइकल, जीपलगायतलाई ठक्कर दिन पुगेको थियो ।

ट्रक नागढुंगातिरबाट कलंकीतर्फ आउँदै थियो । ट्रक सर्लाही घर भएका वीरेन्द्र कुमार साहले चलाएका थिए । उनलाई प्रहरीले नियन्त्रणमा लिएकाे छ ।

यो खबर पढेर तपाईलाई कस्तो महसुस भयो ?

सम्बन्धित खवर