थाहा सञ्चारकाे वार्षिकाेत्सव : ११० जनाले गरे रक्तदान

विन्दावासिनी मिडिया प्रा.लिद्धारा संचालित रेडियो थाहा सञ्चार ९९.६ को १२ औँ वार्षिकउत्सवको अवसरमा आयोजित कार्यक्रममा हाल सम्म यस वर्षकै सबैभन्दा धेरै रक्तदान संकलन गर्दै सर्वाधिक रक्तदाता संस्था बनेको छ ।

शुक्रबार बिहान ८ बजेदेखी अपरान्ह ४ बजेसम्म हेटौंडाको बुद्धचोकमा भएको रक्तदान कार्यक्रममा ११० जनाले रक्तदान गरेका छन् । रेडियोको स्थापनादेखि हरेक वार्षिकोत्सवमा रेडियोले रक्तदान कार्यक्रमलाई निरन्तरता दिईएको रेडियोका स्टेशन म्यानेजर मणिराज गौतमले जानकारी दिए ।

कार्यक्रममा रक्तदातालाई कार्यक्रमस्थलमा नै प्रमाणपत्रको व्यवस्था पनि गरिएको थियो ।

त्यस्तै, रेडियोको वार्षिकोत्सव कार्यक्रम अन्तर्गत भोलि ३ गते शनिबार

‘नेपाल भ्रमण वर्ष सफल पारौ, सालक संरक्षणमा भूमिका खेलौं’

भन्ने मूल नाराका साथ साइकल र्याली हुने भएको छ । भोलि बिहान साँढे ७ बजे रेडियो परिसरबाट सुरु हुने साइकल र्याली सालक पार्क चुच्चेखोलामा पुगि समापन हुने रेडियोका स्टेशन म्यानेजर मणिराज गौतमले जानकारी दिए ।

भिडियो हेर्नुहोस्