बकैयामा ९२ जना एमालेमा प्रवेश

मकवानपुरको बकैया गाउँपालिकामा विभिन्न पार्टी परित्याग गरि ९२ जना एमालेमा प्रवेश गरेका छन् । आइतबार बकैयाको वडा नंबर १ धिँयालमा भएको कार्यक्रममा उनिहरु एमालेमा प्रवेश गरेका हुन् । एमालेमा प्रवेश गर्नेहरुलाई प्रतिनिधिसभा सदस्य तथा अर्थ समितिका सभापति कृष्णप्रसाद दाहाल सहितका एमाले नेताहरुले टिका, खादा लगाएर स्वागत गरेका थिए ।

कार्यक्रममा एमाले मकवानपुरका जिल्ला सदस्यहरु बेलप्रसाद दाहाल, कृष्ण चौँलागाई, भूमि सम्वन्धि समस्या समाधान आयोग बाराका अध्यक्ष अम्बिका चौँलागाई, बकैया गाउँपालिकाकी उपाध्यक्ष सरला बोलखे, एमाले बकैयाका अध्यक्ष गोपाल दाहाल, सचिव फुलमान लामा लगाएतको आतिथ्यता रहेको थियो ।