सवारी चालक अनुमतिपत्र (लाईसेन्स) नभएका हेटौँडाका ९ अटो चालकलाई ट्राफिक प्रहरीले जरिवाना गरेको छ ।
जिल्ला ट्राफिक प्रहरी कार्यालयले ट्राफिक प्रहरीले कारवाही गर्नेमा ना १ ह ३५६४, ना २ ह ४५९७, प्रदेश नं ३–०३–००१ ह ११०, ना १ ह ५६७०, ना २ ह १०४२, ना २ ह ४५८७, ना ३ ह १२२, ना १ ह ३५३८ र ना २ ह १८९५ नम्बरको अटोका चालकलाई जरिवाना गरेको हो ।
उनीहरुलाई गरेको जरिवानाबाट ९ हजार रुपैँया राजस्ब संकलन भएको र चालक अनुमतिपत्र भएका चालकलाई अटो जिम्मा लगाएको ट्राफिक प्रहरीले जनाएको छ । ट्राफिक प्रहरीले अनुमति पत्र विना आगामी दिनमा सवारी नचलाउन समेत चालकलाई निर्देशन दिएको छ ।
अनलाइनपत्र संवाददाता 
