Comments Add Comment

२५ मिटरको कुराले सडक विभागलाई समस्या नै समस्या

लामो समय देखी चर्चामा रहेको हेटौँडा उपमहानगरपालिका क्षेत्रमा पुर्व पश्चिम राजमार्ग क्षेत्रमा पर्ने घर टहरा हटाएर राजमार्ग फराकिलो बनाउने अभियानमा रहेको सडक विभागलाई समस्या पर्ने भएको छ । २५ मिटरको सन्दर्भमा हेटौँडाको राप्तिरोडबाट कर्रा खोलासम्म तथा चौकिटोलबाट बुद्धचोक क्षेत्रसम्मका करिब ३ सय भन्दा धेरै घरको सन्दर्भमा सर्वोच्च अदालतले स्टे अर्डर जारी गरेपछि उत्त घर टहराको सन्दर्भमा विभागले कुनैपनि क्रियाकलाप गर्न नपाउने भएको छ ।

पुर्व पश्चिम राजमार्गमा अन्तरगत हेटौँडाको राप्तीखोला देखी कर्राखालोसम्म २५ मिटर बाटो फराकिलो गर्नका लागी असार ७ गते जारी गरेको १५ दिने सूचनाको मिति सकिनै लाग्दा सडक विभागलाई २५ मिटर फराकिलो पार्ने अभियानमा समस्या देखिएको हो ।

डिभिजन सडक कार्यालय हेटौँडाका सूचना अधिकारी जयराम अधिकारीले हालसम्म विभागमा २ सय भन्दा धेरै घरधनीले स्टे अर्डरको बारेमा जानकारी सहितको पत्र दिएको त्यस बाहेकपनि अन्य १ सय भन्दा धेरै स्टे अर्डर आएको आफुहरुले अनुमान गरेको बताए । उनले यो समस्याको वावजुत पनि सडक विस्तार अभियान भने नरोकिने दाबी गरे । ‘हामीले स्टे अर्डर लिएको घरको सन्दर्भमा केहि गर्न नमिलेपनि अन्य क्षेत्रमा रहेको घर टहरालाई हटाउछौँ ’ उनले बताए ।

यो खबर पढेर तपाईलाई कस्तो महसुस भयो ?

सम्बन्धित खवर