मकवानपुरको हेटौंडा उपमहानगरपालिका वडा नम्वर १ चाइना गेट नजिक आज बिहान साढे ६ बजेतिर सवारी दुर्घटना हुँदा एक जनाको मृत्यु भएको छ ।
हेटौंडा ११ बाट हेटौंडा बजारतर्फ आउँदै गरेको ना ८ ख ३८७२ नम्बरको ट्याङ्करले सोही दिसाबाट आउँदै गरेको ना ५६ प ४९३५ नम्बरको मोटरसाइकललाई ठक्कर दिँदा मोटरसाइकलमा सवार हेटौंडा १ चनाइक्वाटर निवासी ३५ वर्षीया सिता न्यौपानेको घटनास्थलमै मुत्यु भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार, दुर्घटनाबाट मोटरसाइकल चालक निजको श्रीमान ४५ बर्षीय ससि न्यौपाने भने सामान्य घाइते भएका छन् । सिताको शव हेटौँडा अस्पतालमा राखिएको छ ।
ठक्कर दिने टयाङ्कर चालक भीमफेदी गाउँपालिका वडा नं. १ बस्ने २४ वर्षिय मुकेश विकलाई नियन्त्रणमा लिई घटनाको विषयमा थप अनुसन्धान भइरहेको मकवानपुर प्रहरीले जनाएको छ ।
