‘पाँडे’ निर्देशित ‘झरीपछिको इन्द्रेणी’ फिल्मको ट्रेलर युट्युबमा

काठमाडौँ । कलाकार अर्जुन घिमिरे ‘पाँडे’ निर्देशित फिल्म ‘झरीपछिको इन्द्रेणी’को ट्रेलर सार्वजनिक गरिएको छ ।

आइतबार आयोजित एक कार्यक्रमबिच सार्वजनिक ट्रेलरमा फिल्मलाई पारिवारिक तथा सामाजिक ड्रामाको रूपमा बुझाइएको छ । ट्रेलरले सन्तानको अस्ट्रेलिया सपना, पारिवारिक प्रेम, विछोड र सामाजिक संघर्षको कथामा फिल्म बनेको संकेत दिन्छ ।

‘झरी’पछि आउने ‘इन्द्रेणी’लाई खुसीको रूपमा लिइन्छ । फिल्मको कथाका मुख्य सार पनि यही रहेको ट्रेलरबाट अनुमान गर्न सकिन्छ । फिल्ममार्फत अभिनेता गणेश उप्रेतीले ९ वर्षपछि नेपाली रजतपटमा कमब्याक गरेका छन् । ट्रेलरमा उनलाई एक परिपक्व र संघर्षशील पारिवारिक पात्रको रूपमा पनि देखाइएको छ । ट्रेलरमा जेनजी आन्दोलसम्बन्धी केही दृश्यहरू पनि छन् ।

फिल्ममा गणेशको अलवा रमेश उप्रेती, दीपाश्री निरौला, प्रकाश घिमिरे, सरिता गिरी, निर्मल शर्मा, देशभक्त खनाल, प्रियना आचार्यका साथै निर्देशक घिमिरेको अभिनय छ । फिल्ममार्फत नव कलाकार बिमोञ्चम दवाडी र जेसिका पोखरेल नेपाली रजतपटमा डेब्यु गर्दैछन् ।

कार्यक्रममा निर्देशक घिमिरेले फिल्मले समाजको कथा भन्ने बताए । ‘कथा सबैको जीवनसँग मेल खान सक्छ, कथालाई फरक तरिकाबाट हामीले पेस गरेका छौँ,’ उनले भने । फिल्म सबैले रुचाउनेमा आफू विश्वस्त रहेको उनको भनाइ छ ।

घिमिरेले यसै फिल्मबाट ठुलो पर्दामा निर्देशन डेब्यु गर्दै छन् । अनिसा सेन्दाङ लिम्बू निर्माता रहेको फिल्मका सह–निर्मातामा अनु थापा, पंकज खड्का, राम कार्की, श्रीजना खड्का र सुवास शर्मा छन् ।

आगामी पुस ४ गतेबाट देशभर प्रदर्शनको तयारीमा रहेको फिल्म नागराज इन्टरटेन्मेन्टको प्रस्तुतिमा निर्माण भएको हो ।

 

सम्बन्धित खबर

कला / संगीत

फिल्म ‘पूर्णबहादुरको सारंगी’को ट्रेलर सार्वजनिक

२०८१-०७-०४

मनोरञ्जन

‘नेपहपको श्रीपेच ३’को अडिसन खुला

२०८२-०७-१७

कला / संगीत

अभया एण्ड द स्टिम इन्जिनको नयाँ गीत ‘छ मेरो अरु संसार’ सार्वजनिक (भिडियो)

२०७७-०५-०३

Flash News

“छ माया छपक्कै”को बुकिङ खुल्ला

२०७६-०६-२३