डिशहोमका ग्राहकलाई ‘द बर्गर हाउस’ मा १० प्रतिशत छुट, भर्चुअल कार्ड देखाए पुग्ने

काठमाडौँ । इन्टरनेट तथा टेलिभिजन सेवा प्रदायक कम्पनी डिशहोमले आफ्ना ग्राहकलाई थप सुविधा प्रदान गर्न चर्चित फास्ट-फुड चेन ‘द बर्गर हाउस एण्ड क्रन्ची फ्राइड चिकेन’ सँग साझेदारी गरेको छ । यो सम्झौतासँगै अब डिशहोमका ग्राहकले देशभरका सबै बर्गर हाउसका आउटलेटमा खानेकुरा र पेय पदार्थमा १० प्रतिशत छुट पाउने भएका छन् ।

डिशहोमले यो सुविधा आफ्नो ‘भर्चुअल प्रिभिलेज कार्ड’ कार्यक्रम अन्तर्गत ल्याएको हो । ग्राहकले यो छुट लिनका लागि आफ्नो मोबाइलमा रहेको ‘माई डिशहोम’ एपमा उपलब्ध हुने भर्चुअल कार्ड देखाउनुपर्नेछ ।

कसरी लिने छुट सुविधा ?

सबैभन्दा पहिले, आफ्नो मोबाइलमा ‘माई डिशहोम’ एप डाउनलोड गर्नुहोस् ।
त्यसपछि, आफ्नो दर्ता गरिएको मोबाइल नम्बर वा ग्राहक आईडी प्रयोग गरी लग-इन गर्नुहोस् ।
एपको होम पेज वा प्रोफाइल सेक्सनमा ‘भर्चुअल प्रिभिलेज कार्ड’ देखिनेछ ।
बर्गर हाउसको कुनै पनि शाखामा बिल तिर्नुअघि सोही कार्ड देखाएर १० प्रतिशत छुट पाउन सकिनेछ ।

डिशहोमका प्रमुख कार्यकारी अधिकृत (सीईओ) तारा मानन्धरका अनुसार यो साझेदारीले ग्राहकहरूलाई उनीहरूको मनपर्ने फास्ट-फुड परिकारमा थप मूल्य प्रदान गर्ने उद्देश्य राखेको छ । कम्पनीले भविष्यमा अन्य ब्रान्डहरूलाई पनि यो कार्यक्रममा जोड्दै ग्राहकका लागि सुविधाहरू विस्तार गर्ने योजना बनाएको छ ।