कोमल ओलीको नयाँ तीज गीत ‘बिन्ती गर्न जाम’ सार्वजनिक

काठमाडौँ । गायिका कोमल ओलीको नयाँ तीज गीत ‘बिन्ती गर्न जाम’ सार्वजनिक भएको छ । यस गीतमा लोकराज अधिकारीका शब्द र विपिन घिमिरेको सङ्गीत रहेको छ ।

अमेरिकाको टेक्ससमा छायाङ्कन गरिएको यस गीतको भिडियोलाई किशन रेग्मीले निर्देशन गरेका हुन् । गोहन आलेले छायाङ्कन गरेको भिडियोमा दिक्षा भट्टको कोरियोग्राफी रहेको छ । भिडियोमा कामना खरेल, स्नेहा भुसाल, कविता अर्याल, संयोना थापा, सलोनी महर्जन, सरु खरेल पन्त, लक्ष्मी न्यौपाने लगायतका कलाकारको अभिनय देख्न सकिन्छ । भिडियोको सम्पादन भने नीराजन केसीले गरेका हुन् ।