चलचित्र ‘पूर्ण बहादुरको सारंगी’ को टिजर सार्बजनिक

तिहारलाई लक्षित गरी आउन लागेको नयाँ नेपाली फिल्म ‘पूर्णबहादुरको सारंगी’ को आइतबार टिजर सार्वजनिक गरिएको छ। यो फिल्मले बाबुछोराको सम्बन्धमा आधारित कथा प्रस्तुत गर्ने बताइएको छ, जसमा प्रमुख भूमिकामा विजय बराल र प्रकाश सपुत देखिनेछन्।

टिजरमा बाबु विजय बराललाई सारंगीवादक ‘पूर्णबहादुर’ को रुपमा चित्रण गरिएको छ, जसले गरिबीका कारण झेल्नुपरेको अभाव र छोराको शैक्षिक सफलताको कथा सुनाउँछ। प्रकाश सपुतले फिल्ममा ‘पूर्णबहादुर’ को छोरा बनेका छन्, जसले एसएलसीमा जिल्ला प्रथम भएको खुसी बाबुलाई सुनाउँछन्। टिजरमा देखाइएको बाबुछोराको यो सुमधुर सम्बन्धले फिल्मप्रति दर्शकहरूमा उच्च आशा जगाएको छ।

बुबाको मुख हेर्ने दिनको पूर्वसन्ध्यामा सार्वजनिक गरिएको टिजरले अभिभावकले सन्तानको प्रगति र खुसीका लागि गर्ने त्याग र संघर्षलाई मार्मिक तरिकाले प्रस्तुत गरेको छ।

फिल्मको निर्माता विनोद पौडेलले ‘पूर्णबहादुरको सारंगी’ लाई तमाम बुबाहरूको संघर्षको सम्मानमा समर्पित गरिएको बताएका छन्। सरोज पौडेलको निर्देशनमा बनेको यो फिल्ममा विजय र प्रकाशसँगै मुकुन भुसाल, बुद्धि तामाङ, अञ्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिसा बाँस्तोला, श्याम केसी, र जानवी पौडेललगायतको अभिनय रहेको छ।

सेभेन सिस सिनेमा र बाँसुरी फिल्मस्को प्रस्तुतिमा विनोद पौडेल र प्रतीक सुवेदीले फिल्मको निर्माण गरेका हुन् भने पटकथा तथा संवाद महेश दवाडीले लेखेका छन्।

सम्बन्धित खबर

बलिउड

अभिनेत्री पुनम पाण्डे पक्राउ, लाग्यो यस्तो गम्भिर आरोप

२०७७-०७-२०

कला / संगीत

भुटानी गायक पुष्प गजमेरको ‘सम्बन्ध’ सार्वजनिक ( भिडियो )

२०७८-०९-१३

मनोरञ्जन

वैवाहिक बन्धनमा बाँधिइन् अभिनेत्री वर्षा शिवाकोटी

२०७९-०१-१०

बलिउड

भारतकी प्रथम ओस्कार विजेता भानु अथैयाको निधन

२०७७-०६-३०