हेटौंडा उपमहानगरपालिका–१५ रातोमाटेबाट प्रहरीले लागुऔषध गाँजा सहित दुई जनालाई नियन्त्रणमा लिएको छ । स्थित पूर्वपपश्चिम राजमार्ग अन्तर्गत हेटौंडा बजारबाट रातोमाटेतर्फ आउँदै गरेको ना ७ ख ६८३९ नम्बरको ट्रकलाई चेकजाँच गर्ने क्रममा उक्त ट्रकको क्याबिनमा लुकाई छिपाई ल्याएको अन्दाजी २ किलो ९०० ग्राम लागुऔषध गाँजा फेला परेको बागमती प्रदेश प्रहरी कार्यालय हेटौडाले जनाएको छ ।
पक्राउ ट्रक चालक हेटौंडा उपमहानगरपालिका–८ कमाने ओमनगर बस्ने वर्ष अन्दाजी ३४ को सुजन श्रेष्ठ र सोहि बस्ने वर्ष अन्दाजी ३१ को सन्तोष श्रेष्ठ रहेका छन् । उनीहरुलाई लागुऔषध गाँजा सहित नियन्त्रणमा लिएर थप अनुसन्धान कार्य भईरहेको प्रहरीले जनाएको छ ।
अनलाइनपत्र संवाददाता 
