मकवानपुरगढी गाउँपालिका हेटौंडामा जारी दोस्रो संस्करणको मकवानपुर जिल्ला स्तरीय अन्तरपालिका फुटबल प्रतियोगिताको फाइनलमा प्रवेश गरेको छ । हेटौंडा–५ स्थित पिप्ले–क्याम्पा रंगशालामा आज भएको अन्तिम सेमिफाईनल खेलमा बागमती गाउँपालिकालाई हराउँदै मकवानपुरगढीले फाईनल यात्रा तय गरेको हो ।
निर्धाििरत समयमा २–२ गोलको बराबरी भएपछि खेल ट्राईब्रेकरमा धकेलिएको थियो । मकवानपुरगढीले बागमती गाउँपालिकालाई ट्राईब्रेकरमा ५–४ गोल अन्तरले पराजित गरेको छ । खेलको म्यान अफ द म्याच मकवानपुरगढीका गोल किपर अमर गोले घोषित भए । म्यान अफ द म्याच गोलेलाई मकवानपुर जिल्ला समन्वय समितिका प्रमुख ललित घलानले ट्रफी हस्तान्तरण गर्नुभयो । अब फाईनलको लागि हेटौंडा उपमहानगरपालिकासँग शनिबार खेल्ने छन् । बुधबार भएको पहिलो सेमिफाइनलमा भिमफेदीलाई हराउँदै हेटौंडा फाईनल प्रवेश गरिसकेका छन् ।
खेल हेर्नका लागि जिल्ला समन्वय समिति मकवानपुरका प्रमुख ललित घलान, मकवानपुरगढी गाउँपालिकाका प्रमुख दोर्जे लामा स्याङ्तान , उपप्रमुख मानकुमारी नेपाली लगायत जनप्रतिनिधिहरु रंगशाला पुग्नुभएको थियो ।
