हेटौंडाको विजय युथ क्लव मकवानपुर गोल्डकपको फाइनलमा प्रवेश

मकवानपुर फुटबल संघको आयोजनामा हेटौंडामा जारी चौथो स्थानीय तह शहीद स्मृती अन्तराष्टिय मकवानपुर गोल्डकप फुटबल प्रतियोगितामा घरेलु टोली विजय युथ क्लव फाइनल प्रवेश गरेको छ । आज शुक्रबार हेटौंडा–५ स्थित पिप्ले क्याम्पा रंगशालामा भएको पहिलो सेमिफाइनल खेलमा नेपाल पु्लिसलाई १ -० गोल अन्तरले पराजित गर्दै विजय युथ प्रतियोगिताको फाईवनल प्रवेश गरेको हो ।

जितको लागि विजय युथका विदेशी खेलाडी पेपेले गोल गरेका थिए । पहिलो हाफ गोलरहित बराबरीमा सकिए पनि दोस्रो हाफको ७ औँ मिनेटमा अमिर श्रेष्ठको पासमा पेपेले हेडिङ मार्फत गोल गरेका थिए । खेलको म्यान अफ द म्याच विजय युथका बिदेशी खेलाडी पेपे घोषित भए । उनले नगद दश हजारसहित शिल्ड प्राप्त गरे ।

विजय भएसँगै अब विजय युथले भोलि शनिबार हुने त्रिभुवन आर्मी र क्याम्रुनी एभिनियर क्लवबीचको विजेतासँग यही जेष्ठ ३० गते सोमबार उपाधिका लागि प्रतिस्पर्धा गर्नेछन् । प्रतियोगिताको विजेताले १५ लाख र उपविजेता टोलिले १० लाख र शिल्ड , मेडल तथा प्रमाणपत्र प्राप्त गर्नेछन् । त्यस्तै विधागत उत्कृट हुने प्रशिक्षक सहित ६ खेलाडीले ट्रफिसहित नगद २५–२५ हजार प्राप्त गर्नेछन् । सर्वोत्कृष्ट खेलाडीले बुलेट मोटरसाइलक प्राप्त गर्नेछ । प्रतियोगितामा १२ टोलीको सहभागिता रहेको थियो ।

तस्विर : राजन कटुवाल