मकवानपुरमा सहायक निर्वाचन अधिकृतनै राजनितिक दलको प्रचारमा

यही बैशाख ३० गते हुने स्थानीय तहकोे निर्वाचनमा निर्वाचन आयोगले जारी गरेको आचारसंहिता नै उल्लंघन गर्दै सहायक निर्वाचन अधिकृत राजनितिक दलको प्रचारमा व्यस्त भएको पाइएको छ । मकवानपुरगढी गाउँपालिकाका प्रमुख प्रशासकीय अधिकृत तथा सहायक निर्वाचन अधिकृत रामकुमार पुडासैनी नेकपा एमाले चुनावी प्रचारमा व्यस्त रहेका छन् । उनले सामाजिक सञ्जालमा विदुर हुमागाई जिताऔं अभियानलाई विभिन्न समयमा सार्वजानिक गर्दै एमाले जिताऔं अभियानमा लागेका हुन् ।

सरकारका राष्ट्रसेवक कर्मचारीहरु त्यस माथी सहायक निर्वाचन अधिकृत जस्तो भूमिकामा रहेर निर्वाचन आचारसंहिताको धज्जी उडाउदैं राजनितिक दलको प्रचारमा लागेको पाइएकोले चौतर्फी विरोध भइरहेको छ । यस विषयमा मकवानपुरको निर्वाचन अधिकृत डिल्लीरत्न श्रेष्ठसँग बुझ्दा यदी यस्तो चुनाव प्रचार गरेको हो भने आवश्यक कारबाही गरिने बताएका छन् ।