मकवानपुरको मकवानपुरगढी गाउँपालिका वडा नंम्बर ५ मा एकैदिन ६ जनामा कोरोना संक्रमण पुष्टि भएको छ । सोमबार मकवानपुरगढी –३ मक्रान्चुलीमा रहेको अस्थायी कोभिड अस्पतालमा स्वाब परिक्षण गरिएकोमा वडा –५ का मात्रै ६ जनामा कोरोना संक्रमण पुष्टि भएको हो । संक्रमण हुनेमा ३ , २९ र ६० वर्षका ३ जना महिला र ४४ , ३० र १८ वर्षका ३ जना पुरुष गरी ६ जनामा संक्रमण पुष्टि भएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले जानकारी दिए । सोमबार मात्र मकवानपुरगढीका १४ जनामा कोरोना संक्रमण पुष्टि भएको लामिछानेले जानकारी दिए ।