मकवानपुरगढीका एक कोरोना संक्रमित पुरुषको मृत्यु

हेटौंडामा अस्पतालमा आज बिहान एक कोरोना संक्रमित पुरुषको मृत्यु भएको छ । मकवानपुरगढी गाउँपालिका वडा नम्बर ५ का ६८ वर्षीय पुरुषको आज बिहान उपचारको क्रममा मृत्यु भएको अस्पतालका कोभिड इन्चार्ज डा. सागर काफ्लेले जानकारी दिएका छन् । उनलाई कोरोना संक्रमण पुष्टि भएपछि हेटौंडा अस्पतालमा उपचाररत थिए । यो सँगै ६ जना कोरोना संक्रमितको हेटौंडा अस्पतालमा मृत्यु भएको छ ।