Onlinepatra.com
Online Patra Media Pvt. Ltd.

म्युजिक भिडियो ‘फुर्के रिबन भर्सेस कर्ली कपाल’ सार्वजनिक

Company Register

काठमाडौं – ‘सेभेन ११ म्युजिक फ्याक्ट्री’ले निर्माण गरेको म्युजिक भिडियो ‘फुर्के रिबन भर्सेस कर्ली कपाल’ सार्वजनिक भएको छ। बिहीबार सार्वजनिक भएको गीतमा ध्रुव बिस्को, जीवेश गुरुङ, एलीना चौहान र रचना रिमालले स्वर दिएका छन्। कृष्ण केसीको शब्द  रहेको गीतमा संगीत ध्रुवले नै दिएका छन्।

Advertisement

गीतको भिडियोमा पुष्प खड्का, सुधिर श्रेष्ठ र स्मारिका ढकालले नृत्य प्रस्तुत गरेका छन्। भिडियोमा दिनेश डिसी, गौरी मल्ल र आनन्द कार्कीको पनि अतिथि भूमिका रहेको छ।

लोक लयमा तयार भएको भिडियोलाई ब्याटल शैलीमा तयार गरिएको छ। दुई टिमबीच भएको गायन तथा नृत्यको ब्याटललाई भिडियोमा उतारिएको छ।

माइकल चन्दको निर्देशनमा बनेको भिडियोलाई उत्सव दाहालले खिचेका हुन् भने शिलन लम्सालले सम्पादन तथा कलर गरेका छन्। भिडियोलाई सेभेन ११ म्युजिक फ्याक्ट्रीका तर्फबाट अनिल जोशी, अमृत सुवेदी र नवराज शर्माले निर्माण गरेका हुन्।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुकट्वीटरमार्फत पनि हामीसँग जोडिन सकिनेछ ।
Website Designe 1024×117
Loading...