मकवानपुरगढीको रानीसेरामा बृहत ल्होछार साँस्कृतिक कार्यक्रम सम्पन्न

मकवानपुरको मकवानपुरगढी गाउँपालिका – १ रानीसेरा स्थित रानीवास एग्रोटुरिजम पार्कमा ल्होछार साँस्कृतिक कार्यक्रम सम्पन्न भएको छ । मञ्जुश्री २८५७ औं लाङ९ म्हे० ल्हो सोनाम ल्होछारको अवसरमा शनिबार ल्होछारको मुलसमारोह समितिले मकवानपुरगढीको रानीसेरामा बृहत साँस्कृतिक कार्यक्रम आयोजना गरिएको थियो । नेपाली कांग्रेस जिल्ला सदस्य तथा मकवानपुरगढीका वडा नम्बर ७ का वडा अध्यक्ष सुर्य बहादुर रुम्बाको प्रमुख अतिथ्यता तथा आयोजक मुल समारोहका संयोजक रमेश कुमार थिङको सभाध्यक्षता रहेको थियो ।

ल्होछार कार्यक्रममा राष्ट्रिय हाँस्यकलाकार नविना सिलवाल (खुइली) गायक तथा संगीतकार प्रकाश तामाङ तितुङ ,रोशन लामा, टेकराज लाङघाली लगायत स्थानीय कलाकारहरुले प्रस्तुती प्रस्तुत गरेका थिए । तामाङ समुदायको धर्म, कला संस्कृति झल्किने भेषभुषा पहिरनका साथ दर्शकको बाग्लो उपस्थित रहेको थियो । कार्यक्रममा वडा नम्बर १ का अध्यक्ष आइतसिं लो, वडा नम्बर २ का अध्यक्ष बखान सिं पाख्रीन, नेपाल तामाङ घेदुङ संघ बागमती प्रदेशका अध्यक्ष लिला घलान, जिल्ला कार्यबहाक अध्यक्ष कालु घलान, सञ्चारकर्मीद्धय श्रीराम अर्जुन र प्रविन अधिकारी, वडा १ का वडा सदस्यहरु, टोल विकास, विद्यालय तथा गुम्बाका प्रतिनिधिहरुको आतिथ्यता रहेको थियो ।