बुधबार बिहानै मकवानपुरमा २३ संक्रमित थपिए

अनलाइन पत्र संवाददाता प्रकाशित मिति १० मंसिर २०७७, बुधबार ०७:१३

मकवानपुरमा बुधबार बिहान थप २३ जनामा कोरोना संक्रमण पुष्टि भएको छ । हेटौंडा–१० स्थित कीटजन्य रोग तथा तालिम केन्द्र प्रयोगशालामा मंसिर ९ गते (हिजो) गरिएको ७४ जनाको स्वाब संकलनमा २३ जनाको रिपोर्ट पोजेटिभ आएको हेटौंडा उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो । बुधबार बिहान संक्रमित हुनेहरुमा पुरुषको तुलनामा महिलाको संख्या धेरै रहेको छ । १० पुरुष र १३ महिलामा संक्रमण पुष्टि भएको छ । संक्रमित हुनेहरु हेटौंडा उपमहानगरपालिका, मनहरी गाउँपालिका, बागमती गाउँपालिका र जिल्ला बाहिरका समेत गरेर २३ जनामा कोरोना पुष्टि भएको छ ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।