मकवानपुरमा अनुदानबाट घर निर्माण गर्न पाउने

अनलाइन पत्र संवाददाता प्रकाशित मिति ८ मंसिर २०७७, सोमबार ०५:४२

मकवानपुरको ६ सय ७३ घरको सुरक्षित नागरिक आवास निर्माणको लागि आवास सख्या निर्धारण भएको छ । यस अघि बिभीन्न समस्याका कारण घर निर्माण गर्न समस्या भोग्दै आएपनि अव भने पुन निर्माण प्राधिकरणको अनुदान रकमबाट घर निर्माण गर्ने बाटो खुलेको हो । मकवानपुर क्षेत्र नम्बर २ का सांसद बिरोध खतिवडाको संयोजकत्वमा भएको बैठकले सुरक्षित आवास निर्माण गर्नका लागि निर्णय गरिएको हो ।

जिल्ला समन्वय समिति मकवानपुरमाआज बसेको बैठकले यो निर्णय गरेको हो । जिसस मकवानपुरका प्रमुख रघुनाथ खुलाल सहित मकवानपुरका विभीन्न स्थानीय तहका अध्यक्षहरुको सहभागितामा बैठक बसेको हो । बैठकले मकवानपुरको निर्वाचन क्षेत्र नम्बर २ अन्तरगत हेटौंडा उपमहानगरपालिका क्षेत्रको वडा नम्बर १, ३, ११ र १९ मा एक सय घर, भीमफेदी गाउँपालिकामा ५० घर, कैलाश गाउँपालिकामा ७५ घर, मकवानपुर गढी गाउँपालिकामा ५० घर, मनहरी गाउँपालिकामा एक सय घर, राक्सीराङ गाउँपालिकामा एक सय ७३ घर, इन्द्रसरोवर गाउँपालिकामा २५ घर सुरक्षित नागरिक आवास निर्माणको लागि निर्णय भएको हो । यसअघि भुकम्पमा घर ढलेपनि घर निर्माण गर्नका लागि आफ्ना जग्गाको लालपुर्जा नभएकाहरुका लागि यो निर्णय गरिएको सांसद खतिवडाले बताए ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।