हेटौंडाको नेवारपानीमा बस र ट्रक ठोकिँदा एकको मृत्यु

अनलाइन पत्र संवाददाता प्रकाशित मिति २८ कार्तिक २०७७, शुक्रबार ०८:०८

मकवानपुरमा यात्रुबाहक बस र माल बाहक ट्रक एकआपसमा ठोकिदा बसमा सवार एक यात्रुको ज्यान गएको छ । पुर्व पश्चिम राजमार्ग अन्तर्गत हेटौँडा–१९ नेवारपानीमा दुर्घटना भएको जिल्ला प्रहरी कार्यालयले जनाएको छ । शुक्रबार बिहान काठमाडौंबाट सर्लाही जाँदै गरेको ना ६ ख १०८५ नम्बरको बस र विपरीत दिशाबाट आउँदै गरेको ना २ ख ७५३८ नम्बरको ट्रकले बसको पछाडिको भागमा ठक्कर दिँदा बसमा सवार एकजनाको मृत्यु भएको छ। मृत्यु हुनेमा सर्लाही चक्रघट्टाका अन्दाजी ४० बर्षीय राजकिशोर रायको मृत्यु भएको प्रहरीले जानकारी दिएको छ । उनको उपचारको क्रममा हेटौँडा–११ स्थित चुरेहिल अस्पतालमा मुत्यु भएको जनाइएको छ। ट्रक तथा बस दुबै सवारीका चालक मकवानपुर प्रहरीको नियन्त्रणमा रहेको जनाइएको छ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।