मकवानपुरकी तेक्वान्दो खेलाडी निरुले जितिन् स्वर्णपदक

काठमाडौमा भर्चुअल अन्तर्राष्ट्रिय तेक्वान्दो पुम्से च्याम्पियनसिपूमा मकवानपुरकी तेक्वान्दो डोजाङ खेलाडी एवम प्रशिक्षक निरु मगरले स्वर्णपदक जित्न सफल भएकी छन् । च्याम्पियनसिपमा नेपालसहित १९ राष्ट्र सहित तीन सय ६२ जना खेलाडीले प्रतिस्पर्धा गरेका थिए । च्याम्पियनसिपमा नेपालका १ सय ९० र हङकङ, मलेसिया, श्रीलंका, भारत, म्यानमार, मकाउ, सुरिनेम, थाइल्यान्ड मेक्सिको, अस्ट्रेलिया, जापान, नाइजेरिया, बंगलादेश, टिमोर, बेलायत दक्षिण कोरिया, फिलिपिन्स र कम्बोडियाका एक सय ७९१ खेलाडीले सहभागिता जनाएका थिए । ४० बर्स भन्दा माथी भएको प्रतिस्पर्धामा निरु मगरले नेपालको तर्फबाट स्वर्णपदक जित्न सफल भएकी हुन् ।