हेटौंडा–५ सानोपोखरामा सञ्चालित फुडबैंकमा आज बाग्मती प्रदेशसभा सदस्य ईन्द्रबहादुर बानियाँले १०७ औँ बिपि जयन्तीको अवसरमा ५० परिवारलाई २५ हजार रुपैया बराबरको खाद्यान्न सहयोग गरेको क्लबका सल्लाहकार विशालराज महतले जानकारी दिएका छन् । खाद्यान्न वितरण कार्यक्रममा तरुनदल हेटौँडा नगरका अध्यक्ष सुनिल गिरी , नगर सभापत्ति आनन्दराम पराजुली, क्लबका कोषाध्यक्ष माधवलाल श्रेष्ठ, सचिव उत्तर दुलाल, क्लबका सक्रिय सदस्यहरु विष्णु पुडासैनी ,सुमन महत , सरोज मुक्तान क्लबका पदाधिकारी लगायतको उपस्थिति रहेको थियो ।

त्यस्तै भोलि बिहिबार फुड बैंकलाई बाल जागृती बोडिङ स्कुलका शिक्षिका उर्मिला राई र व्यावसायी भुमीनन्दन गौतमले खाद्यान्न वितरण गर्ने कार्यक्रम रहेको महतले जानकारी दिएका छन् । फुड बैंकबाट हालसम्म २५१ परिवारलाई खाद्यान्त वितरण गरिएको छ । खेलकुद तथा सामाजिक विकास मण्डल सानोपोखरा क्लबका अध्यक्ष उमेश महतको संयोजकत्वमा सञ्चालनमा ल्याएको फुड बैंक बिहान ७ बजेदेखि ९ बजेसम्म खुल्ला रहने गरेको छ । फुड बैंकले प्रतिव्यक्ति ४ किलो चामल, दाल, तेल, नुन लगायतको खाद्यान्न वितरण गर्ने गरेको छ ।