करणको पार्टीमा कलाकारले ड्रग्स लिएको भन्दै चौतर्फी आलोचना

यति बेला बलिउड मिडिया करण जोहरको घरमा आयोजना गरिएको पार्टीमा कलाकारले ड्रग्स लिएको भन्ने कुराले तातेको छ । पार्टीमा आफ्नो घर पुगेका कलाकारको भिडियो बनाएर सामाजिक सञ्जालमा हालेका करण जोहरको भिडियो भाइरल भइरहेको छ । पार्टीमा दीपिका पादुकोण, मलाइका अरोरा, अर्जुन कपुर, शाहिद कपुर, रणवीर कपुर, वरुण धवन लगायत कलाकार उपस्थित थिए । भिडियो सार्वजनिक भए लगत्तै उनीहरूले ड्रग्स सेवन गरेको भन्दै चौतर्फी आलोचना भइरहेको छ । भिडियोलाई लाखौँले सेयर गर्दै, उक्त भिडियोलाई आधार मानेर आलोचना भइरहेको छ ।