मकवानपुरमा एनसेलको २ वटा टावरमा बुधबार राति आगजनी भएको छ । थाहा नगरपालिका वडा नम्बर ३ शिखरकोटमा रहेको टावर र इन्द्रसरोवर गाउँपालिका वडा नम्बर ३ सिस्नेरी खत्रीडाँडामा रहेको टावरमा आगजनी भएको जिल्ला प्रहरी कार्यालय मकवानपुरले जनाएको छ । घटनास्थलमा पालुङबाट र सिस्नेरीको प्रहरी टोली पुगिसकेको छ ।
आगजनीबाट सामान्य क्षति भएको जिल्ला प्रहरी कार्यालय मकवानपुरका प्रहरी उपरीक्षक मुकेशकुमार सिंहले जानकारी दिए । घटना पछि प्रहरीले मकवानपुरका एनसेल टावरमा निगरानी बढाएको सिंहको भनाई छ ।
