गैरसरकारी संस्था महासंघ मकवानपुरका अध्यक्ष कृष्ण धिताल सवार स्करपीयो दुर्घटना भएको छ । दुर्घटनामा एक जनाको मृत्यु भएको छ भने चार जना घाइते भएका छन् । दुर्घटनामा परि कृष्ण धितालकी श्रीमती प्रभा गौतमको मृत्यु भएको हो । दुर्घटना स्थलबाट अस्पताल ल्याउँदै गर्दा बाटोमै मृत्यु भएको छ । काठमाण्डौबाट हेटौंडा तर्फ आउँदै गरेको बा १३ च ५९२९ नम्बरको स्करपीयोलाई चितवनबाट काठमाण्डौ तर्फ जाँदै गरेको भारतिय नम्बर प्लेटको ग्यास बुलेटले ठक्कर दिदा गौतमको मृत्यु भएको प्रहरीले जनाएको छ । चितवनको भरतपुर महानगरपालिका वडा नम्बर–१९ सत्रकिलो जुगेडी भन्ने स्थानमा दुर्घटना भएको हो । दुर्घटनामा पर्नुभएका कृष्ण धिताल र उहाँकी छोरी सामान्य अवस्थामा चितवन अस्पतालमा उपचार भइरहेको छ भने चालक र धितालका छोरा गम्भिर घाइते रहेकोले पुरानो चितवन मेडिकल अस्पतालमा उपचार भईरहेको प्रहरीले जनाएको छ ।