पाकिस्तानको रावलपिन्डी सहरमा मंगलबार बिहानै सैनिक अधिकारी सवार विमान दुर्घटना ग्रस्त हुन पुगेको छ। उक्त सैन्य विमानमा सवार मध्ये १५ जनाको मृत्यु भएको र २० जना घाइते रहेको पाकिस्तानी सञ्चारमाध्यमले जनाएका छन्।
पाकिस्तानी सेनाका एक अधिकारीका अनुसार दुर्घटनामा परी घाइते भएका मध्ये केहीको अवस्था गम्भीर छ। उनले मृतकको संख्या बढ्न सक्ने बताएका छन्। अहिले घाइतेहरूलाई उद्धार गरेर अस्पताल पुर्याई सकिएको छ भने उनीहरूको उपचार भइरहेको छ।
दुर्घटनामा दुवै पाइलटको समेत मृत्यु भएको सञ्चारमाध्यममा उल्लेख छ। दुर्घटनाको कारण खुल्न सकेको छैन।
अनलाइनपत्र संवाददाता 
