नयाँ दिल्ली (एजेन्सी) । जम्मू–कश्मीरमा लगाइएको कर्फ्यु चरणबद्ध रुपमा हटाउन सुरू गरिएको छ । समाचारहरूमा जनाइएअनुसार शनिबारदेखि जम्मू–कश्मीरको कयौं इलाकाहरूमा टु–जी इन्टरनेट सेवा सुचारु गरिएको छ ।
जम्मू–कश्मीरको विशेषाधिकार प्रत्याभूत गरिएको भारतीय संविधानको धारा ३७० खारेज गर्ने सरकारको निर्णयपश्चात् त्यहाँ कर्फ्यु लगाइएको थियो । यसअघि जम्मू–कश्मीरका मुख्य सचिव बी.बी.आर. सुब्रमण्यमले सप्ताहन्त पश्चात कश्मीरका स्कूलहरू खुलाइने बताएका थिए । मुख्य सचिव सुब्रमण्यमले कर्फ्यु पुरै हटाइने र केही दिनमा परिस्थित सुध्रिने बताए ।
