Onlinepatra.com
Online Patra Media Pvt. Ltd.

रेडियो थाहा सञ्चारले वार्षिकोत्सव सप्ताहव्यापी कार्यक्रम गरी मनाईने

Company Register

रेडियो थाहा सञ्चार ९९.६ एफएमले १२ औँ वर्ष पूरा गरी १३ औँ वर्षमा प्रवेश गरेको अवसरमा सप्ताहव्यापी कार्यक्रम गर्ने भएको छ । भोलि फागुन १ गतेबाट फागुन ७ गतेसम्म सप्ताहव्यापी कार्यक्रम आयोजना गरी मनाइने रेडियोका स्टेसन म्यानेजर मणिराज गौतमले बताएको छ । सप्ताहव्यापी कार्यक्रम अन्तर्गत भोलि फागुन १ गते पहिलो दिन हेटौँडामा पार्किङ व्यवस्थापन विषयक अन्तरकृया हुने भएको छ ।

Advertisement

मकवानपुर उद्योग वाणिज्य संघको सभाहलमा हुने अन्तरकृया कार्यक्रममा पछिल्लो समय हेटौँडालाई बागमति प्रदेशको राजधानी तोकिएसंगै साँघुरो सडक र बढ्दो सवारी चापलाई व्यवस्थापन गर्ने बारे छलफल हुने गौतमले जानकारी दिएका छन् । त्यस्तै दोश्रो दिन फागुन २ गते वृहत रक्तदान हुने भएको छ । रेडियोले आफ्नो स्थापना समयदेखि रक्तदान गर्दै आएकोमा त्यसलाई निरन्तरता दिन हेटौँडाको बुद्धचोकमा रक्तदान कार्यक्रम आयोजना गरिएको गौतमले बताए । फागुन ३ गते नेपाल भ्रमण वर्ष सफल पारौ, सालक संरक्षणमा भूमिका खेलौँ भन्ने नाराका साथ साइकल ¥यालि, ४ गते पत्रकार तथा हेटौँडा भेट्रान्सबीच मैत्रिपूर्ण फुटबल, ५ गते सवारी दुर्घट्ना र उपचारको व्यवस्थापन विषयक मावि स्तरीय वक्तृत्वकला प्रतियोगिता हुने बताएका छन् भने सप्ताहव्यापी कार्यक्रमको अन्तिम दिन तथा ७ गते थाहा वर्ष सम्मान तथा वार्षिकोत्सव समापन कार्यक्रम हुने समेत जानकारी दिए ।

बि.स. २०६४ साल फागुन ७ गते हेटौँडाबाट नियमित प्रशारण शुभारम्भ गरेको रेडियो थाहा सञ्चार ९९.६ एक हजार वाट क्षमताका साथ प्रशारण भईरहेको छ । रेडियोका स्टेशन म्यानेजर गौतमका अनुसार रेडियोले बारा, पर्सा, रौतहट, चितवन, ललितपुर, धादिङ, रामेछाप, धनुषा, महोत्तरी, दोलखा, ओखलढुङ्गा, सोलुखुम्बु लगायतका जिल्लामा समेत प्रशारण पहुँच पु¥याउन सफल भएको छ । रेडियो थाहा सञ्चार नेपालमा मात्र नभई विश्वभर सुन्न सकिने गरी अनलाइनबाट पनि विस्तार गरिएको छ । उहाँले रेडियोको स्थापनाको छोटो अवधिमा रेडियोलाई राष्ट्रियस्तरमा पहुँच विस्तारका लागि काठमण्डौँबाट २०७२ सालबाट रेडियो थाहा सञ्चार ९९.४ सहित थाहा सञ्चार नेटवर्क सञ्चालनमा ल्याईएको बताउनु भयो । हेटौँडा–९ लाम्सुरे हाइटबाट शुभारम्भ गरिएको रेडियोलाई २०७४ साल असारबाट हेटौँडा–४ अजरअमर रोडमा स्थानान्तरण गरिएको थियो ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुकट्वीटरमार्फत पनि हामीसँग जोडिन सकिनेछ ।
Website Designe 1024×117
Loading...