विप्लवका जिल्ला जनसरकार प्रमुखसहित दुईजना पक्राउ

प्रतिबन्धित विप्लव नेतृत्वको नेपाल कम्युनिस्ट पार्टीका जिल्ला जनसरकार प्रमुखसहित दुई जना पक्राउ परेका छन् । गण्डकी गाउँपालिका ७ घ्याल्चोकका विष्णुप्रसाद रिजाल र शहीदलखन गाउँपालिका ४ ताक्लुङका रोहितप्रसाद पन्तलाई प्रहरीले पक्राउ गरेको हो ।

जिल्ला प्रहरी कार्यालयका एसपी ओमप्रसाद अधिकारीका अनुसार रिजाल र पन्तलाई शुक्रबार राति पक्राउ गरिएको हो । रिजाल जिल्ला जनसरकार प्रमुख हुन् भने पन्त विप्लव नेतृत्वको नेकपाका किसान संगठनका पूर्वप्रमुख हुन्।