स्व. माधवराज सुमार्गी टि-ट्वान्टी क्रिकेट कपको उपाधी कलैया क्रिकेट क्लबलाई

हेटौंडाको लोकतान्त्रिक हुप्रचौरमा हेटौडा एकेडेमीको प्रायोजनमा आयोजित छैठौं स्व. माधवराज सुमार्गी टि-ट्वान्टी क्रिकेट कप पतियोगिता अन्तर्गत यस बर्षको बिजेता कलैया क्रिकेट क्लब भएको छ ।

आज भएको फाइनल खेलमा कलैयाले बीरगन्ज युनाइटेडलाई २५ रनले पराजित गरेको हो । टस जितेर ब्याटिङ रोजेको कलैयाले विरगन्जलाई १५४ रनको विजय लक्ष्य दिएको थियो तर विरगन्ज १२८ रनमै अलआउट हुन पुगेको थियो । आजको खेलको म्यान अफ द म्याच कलैयाका रवि शाह भएका छन भने प्रतियोगीताकै उत्कृष्ट व्याट्सम्यान चितवन क्रिकेट क्लबका साकार ढकाल भएका छन । त्यस्तै उत्कृष्ट बलर विरगन्ज युनाइटेडका सैदुल्ला अन्सारी भएका छन भने म्यान अफ द सिरिज कलैयाका कुमार थापा भएका छन । यसैबिच विजेता तथा उपविजेता र उत्कृष्ट खेलाडीहरुलाई पुरस्कार प्रदान गरिएको छ । प्रतियोगिताको बिजेता कलैयाले नगद ४० हजार तथा सिल्ड र मेडल प्राप्त गरेको छ भने उपविजेता विरगन्ज युनाइटेड टिमले २० हजार नगद सहित शिल्ड मेडल, प्रमाणपत्र प्रदान गरिएको थियो ।

कार्यक्रममा प्रमुख अतिथि हेटौडा उपमहानगरपालीकाकी उपप्रमुख मिना लामा रहनु भएको थियो भने विशिष्ट अतिथि हेटौडा एकेडमीका विद्यालय व्यवस्थापन समितीका अध्यक्ष अरुणराज सुमार्गी लगायत सन्चारकर्मी तथा पत्रकारहरुको उपस्थिति रहेको थियो ।

तस्बिरहरु