मकवानपुरमा एक जना गर्भवती महिलाको डोजरको सहायताले उद्धार गरिएको छ ।
भीमफेदी गाउँपालिकाको भैसे बागझोरा खोलामा बाढी आएका कारण गर्भवती महिलालाई हेटौँडा अस्पताल ल्याउन नसकेपछि डोजरको माध्यमले खोला तारिएको हो ।
निरन्तरको वर्षाका कारण हेटौँडाको शान्तिनगरमा घर डुबानमा परेर समस्या भएकाहरुलाई उद्धार गर्ने काम भईरहेको जिल्ला प्रहरी कार्यालय, मकवानपुरका एसपी मुकेश कुमार सिंहले जानकारी दिए ।
यसैगरी, बागमती गाउँपालिका–१ सम्झना बजारको सीमानामा राईगाउँबाट हेटौँडा जाँदै गरेको यात्रुबाहक बस खेस्रे खोलामा रोकिएको छ ।हेटौँडा उपमहानगरपालिका–१३ को कुखरेनी खोलामा पानी बढ्दै गएपछि प्रशासनले सतर्क रहन भनेको छ । वर्षा र पहिरोले गर्दा लाइन नभएपछि खानेपानी र सञ्चार सुविधामा समस्या भएको छ ।
Source : janapatra.com
