हेटौडा १५ की एक बालिकालाई करणी गर्ने जयराम रुम्बालाई फाँसीको सजाय माग गर्दै आज पिडित पक्षले जिल्ला प्रहरी कार्यालय मकवानपुरमा नाराबाजी गरेका छन् ।
रुम्बालाई हदैसम्मको कारवाहीको माग गर्दै पिडित पक्षले नाराबाजी तथा प्रदर्शन गरेका हुन् । कार्तिक १७ गते हेटौडा १५ की ८ वर्षीय बालिकाई जवरजस्ती करणी गरेको आरोपमा प्रहरीले रुम्बालाई पक्राउ गरी हिरासतमा राखेर अनुसन्धान गरिरहेको छ ।
हेटौडा १५ बस्ने २८ बर्षका रुम्बाले घरमा कोहि नभएको बेला करणी गरेका थिए । बेहोस अबस्थामा फेला परेकि बालिकालाइ हेटौडा अस्पतालमा जाँच गराउदा करणी भएको पुष्टी भएको थियो ।
घटना पछि आक्रोशित बनेका पिडित पक्षले आज जिल्ला प्रहरी कार्यालय अगाडी प्रदर्शन गर्दै रुम्बालाइ फाँसि वा लिङग काट्ने हदै सम्मको सजायको माग गरेका हुन् । यता जिल्ला प्रहरी कार्यालय मकवानपुरका प्रमुख मुकेस कुमार सिहंले भने २५ दिन म्याद थप गरी अनुसन्धान भैरहेको जानकारी दिनु भएको छ ।
