चलचित्र ‘पहाड’ को मर्मस्पर्शी टिजर सार्वजनिक

काठमाडौँ – बहुप्रतिक्षित नेपाली चलचित्र ‘पहाड’ को आधिकारिक टिजर सार्वजनिक गरिएको छ। आगामी वैशाख १ गते प्रदर्शनको तयारीमा रहेको यस चलचित्रले वैदेशिक रोजगारी र बसाइँसराइका कारण उजाड बन्दै गएका नेपाली पहाडी बस्तीहरूको गम्भीर सामाजिक तथा आर्थिक समस्यालाई पर्दामा उतारेको छ।

पुर्खा र अग्रजहरूले सिँगारेको सुन्दर पहाड कसरी रित्तिँदै छ भन्ने कथालाई समेटिएको यस चलचित्रमा मदनकृष्ण श्रेष्ठ, शिव श्रेष्ठ, सुनिल थापा र विपीन कार्की जस्ता दिग्गज कलाकारहरूको सशक्त अभिनय रहेको छ। टिजरमा रित्तिएका गाउँ र पलायन हुँदै गरेको युवा जनशक्तिको पीडालाई मर्मस्पर्शी रूपमा देखाइएको छ। ‘बलिदान’ र ‘चिनो’ जस्ता कालजयी चलचित्रहरूमा सहकार्य गरेका कलाकारहरूलाई यसमा पुनः एकैसाथ देख्न सकिन्छ।

भाग्यरत्न फिल्म्स प्रालिको ब्यानरमा निर्माण भएको यस चलचित्रमार्फत पञ्चमी घिमिरेले अभिनेत्रीका रूपमा डेब्यु गर्दैछिन्। रञ्जित सिंह गजमेरको सङ्गीत र प्रमोद प्रधानको छायाङ्कन रहेको ‘पहाड’ ले एउटा चलचित्रका रूपमा मात्र नभई समाजका लागि एउटा महत्वपूर्ण विचारका रूपमा दर्शकमाझ प्रभाव छाड्ने अपेक्षा गरिएको छ।

सम्बन्धित खबर

मनोरञ्जन

कलाकार शिवहरी पौड्याललाई मातृशोक

२०७७-०७-०३

भिडियो

द भ्वाइस अफ नेपालका विजेता सिडी विजय अधिकारीकोे “कस्तो चलन” रिलिज [भिडियो]

२०७६-०५-२२

कला / संगीत

अंकितको ‘कफी क्रश्’ मा प्रताप र प्रियानाको रोमान्स ( भिडियो )

२०७८-१०-०२

मनोरञ्जन

फेरी पहिरन कै कारण ट्रोलको चेपमा बर्षा

२०७६-०६-१४