चलचित्र ‘बलिदान’को टिजर सार्वजनिक, सशक्त कथावस्तु र दमदार अभिनयको झलक

काठमाडौं। सन्तोष सेनको निर्देशनमा बनेको चलचित्र ‘बलिदान’ को टिजर सार्वजनिक भएको छ। देश, प्रेम र बलिदानको कथा प्रस्तुत गर्ने यो चलचित्रको टिजरले दर्शकहरूमा उत्सुकता जगाएको छ।

टिजरको सुरुवातमा देशको एक हिस्सालाई वैरीहरूले कब्जा गरेको र उनीहरूलाई रोक्न असम्भव भएको उद्घोष सुनिन्छ। यसपछि सौगात मल्ल मसाल बोकेर दृढताका साथ उभिएका देखिन्छन्। त्यसलगत्तै हेमन्त बुढाथोकीको दमदार आवाजमा कालीमातालाई रगत चढाएको र त्यो बलिदानको अभिनय पूरा भएको भाव प्रकट हुन्छ। बुढाथोकी राजसी पहिरनमा देखिन्छन् भने अर्पण थापा सशक्त राजनेताको भूमिकामा छन्।

टिजरमा अभिनेत्री ऋचा शर्माको पनि संवाद सुनिन्छ र निर्देशक सन्तोष सेन स्वयं आदिवासी पात्रको भूमिकामा देखिएका छन्। समीर भट्टको प्रवेशसँगै टिजरको तानाबाना अझ गहिरो बनेको छ। टिजरमा उनलाई ‘एक्सन किङ’ को रूपमा प्रस्तुत गरिएको छ र उनले केही पावरफुल एक्सन दृश्यहरू पनि दिएका छन्।

आसुसेन फिल्मस प्रा. लि. को ब्यानरमा बनेको यस चलचित्रमा समीर भट्ट, सौगात मल्ल, अर्पण थापा, ऋचा शर्मा, कविता राय, हेमन्त बुढाथोकी, प्रेम पुरी लगायतका कलाकारको मुख्य भूमिका रहेको छ। चलचित्रका निर्माता पवन ब्राडफोर्ड बिस्ट र कार्यकारी निर्माता प्रेम पुरी हुन्। टिजरमा एक्सन, सस्पेन्स र दमदार संवादले दर्शकहरूलाई चलचित्र हेर्न उत्साहित बनाएको छ।

सम्बन्धित खबर

कला / संगीत

गायिका राशी रिजालको नयाँ गीत ‘परानी’ सार्वजनिक

२०७८-०८-१३

मनोरञ्जन

भट्टी साहुनी दीपाश्री र आर्यनको छमछमी

२०७६-०३-२७

कला / संगीत

आस्था राउतको ‘फाट्यो नी माइतीको चिनो’ सार्वजनिक (भिडियो)

२०७७-०४-२९

Flash News

“छ माया छपक्कै”को बुकिङ खुल्ला

२०७६-०६-२३