जिल्ला फुटबल संघ मकवानपुरको आयोजनामा हुप्रामा जारी खेलहरुमा एफसी पोताला क्लब, निब्टा फुटबल क्लब र शहीद स्मृति फुटबल क्लब विजयी भएको छ । शनिबार बिहान भएको पहिलो खेलमा एफसी पोतालले आर आर फुटबल क्लबलाई २–१ गोलअन्तरले पराजित गरेको छ । पोतालाको लागि मनोज लामा र सुमन छमीले समान १–१ गोल गरे भने आर आरको विनोद घलानले १ गोल गरेका थिए । उक्त खेलमा पोतालाका सुमन छुमी उत्कृष्ट खेलाडी घोषित भए । त्यस्तै शनिबार दिउसो भएको दोश्रो खेलमा निब्टा फुटबल क्लब बिजयी भएको छ । निब्टाले नामटार फुटबल क्लबलाई २–० गोलअन्तरले पराजित गरेको हो । निब्टाको लागि सविन गोले र नकुल दोङले समान १–१ गोल गरे । उक्त खेलमा निब्टाका सागर थापा उत्कृष्ट खेलाडी चुनिए । यस्तै शनिबार भएको तेश्रो तथा अन्तिम खेलमा शहीद स्मृति फुटबल क्लबले प्रगतिशील युवा क्लबलाई १–० गोलअन्तरले पराजित गरेको छ । शहिद स्मृतिको लागि मिलन राईले गरेको एक गोल नै निर्णायक बन्यो । प्रगतिशीलका सुमित महर्जन खेलको उत्कृष्ट खेलाडी चुनिए । ३३ टोली सहभागि लिगको विजेताले नगद १ लाख रुपैयाँ र उपविजेताले ५० हजार रुपैयाँ पुरस्कार प्राप्त गर्ने छ ।
