नेपाली काँग्रेस गण्डकी प्रदेशको नेतृत्व चयनका लागि भएको मतगणना जारी छ । समाचार तयार पार्दासम्म खसेको ११४६ मत मध्ये १ हजार मत गणना हुँदा सभापतिका प्रत्यासी वरिष्ठ नेता रामचन्द्र पौडेल पक्षका शुक्रराज शर्माले ५३२ र देउवा पक्षका अर्जुन प्रसाद जोशीले ४६३ मत पाएका छन् । गण्डकी प्रदेशको मतगणना शनिबार राति आठ बजेदेखि मतगणना भइरहेको छ । गण्डकीमा सभापति, उपसभापति, महामन्त्री र सहमहामन्त्री सहित ६८ पदका लागि १५० जनाले प्रतिस्पर्धा गरेका छन् ।