चितवनको वाणिज्य बैंक र लायन्स भवनमा आगलागी भएको छ । बैंकमा सोमबार बिहान र लायन्स भवनमा गएराति आगो लागेको हो ।
चितवनको भरतपुरस्थित चौबीसकोठीमा रहेको राष्ट्रिय बाणिज्य बैंकमा बिहान आगलागी भएको हो । बैकको पहिलो तलाबाट सुरु भएको थियो । आगलागी भरतपुर महानगरपालिकाको दमकल, प्रहरी र स्थानीयको सहयोगमा नियन्त्रणमा लिइएको जिल्ला प्रहरी कार्यालय, चितवनका प्रवक्ता एकनारायण कोइरालाले जानकारी दिए । प्रहरीले विद्युत् सर्ट भएर आगो लागेको हुनसक्ने अनुमान गरेको छ । बैकका म्यानेजर इन्द्रमोहन न्यौपानेले आगलागीको कारण र क्षतिको यकिन विवरण नखुलेको जानकारी दिए ।
